परमपूज्य नंदाईचा वाढदिवस :आषाढ अमावास्या, मंगळवार, दिनांक ६ ऑगस्ट २०१३.

वर्ष : ४

गुरुक्षेत्रम पत्रिका : 11

श्रद्धावानांनो परमपूज्य नंदाईचा वाढदिवस आपल्या घरीच साजरा करून नंदा-अनिरुद्ध भक्तीचा दीप आपल्या हृदयात प्रज्वलीत करूया व सद्‍गुरु श्री अनिरुद्धभक्तीचा आनंद लुटुया. 

परमपूज्य नंदाईचा वाढदिवस

आषाढ अमावास्या, मंगळवार, दिनांक ६ ऑगस्ट २०१३. 

सद्‍गुरु श्री अनिरुध्दांची आल्हादिनी शक्ती आणि श्रध्दावानांची वात्सल्यगंगा म्हणजे नंदाई सद्‍गुरु श्री अनिरुध्दांच्या ज्ञानगंगेचा व भक्तीगंगेचा सहज स्त्रोत श्रध्दावानांना प्राप्त होण्यासाठी श्रध्दावानांना साहाय्य करते ती हीच अनिरुध्दांची आल्हादिनी शक्ती त्यामुळेच परमपूज्य नंदाईचे वात्सल्य प्रत्येक श्रध्दावानाला साहाय्य करण्यासाठी उत्सुक असते. आदिमाता चण्डिकेची व माता शिवगंगागौरीची कृपा श्रध्दावानांकडे वळवते ती अनिरुध्दांची आल्हादिनी शक्तीच.मात्र त्यासाठी सद्‍गुरु श्री अनिरुध्दांच्या नित्यगुरुंनी दिग्दर्शित केलेल्या तीन वाक्यांचे नित्य स्मरण ठेवणे म्हणजेच वात्सल्यगंगा असलेल्या अनिरुध्दांच्या आल्हादिनी नंदाईची कृपा प्राप्त करणे. 

ज्या तीन वाक्यांचे स्मरण करून आपण परमपूज्य नंदाईची कृपा प्राप्त करुया. 

ती तीन वाक्य म्हणजे....

१) ह्या आदिमाता महिषासुरमर्दिनीनेच सर्व विश्व उत्पन्न केले आहे.

२) ह्या आदिमातेनेच ह्या विश्वातील प्रत्येक गोष्टीला श्रध्दावानांसाठी हितकर बनविले आहे व तिचे पुत्र माझे संरक्षण करीत असतात.

३) ह्या आदिमातेने संपूर्ण विश्व उत्पन्न केले आहे आणि म्हणूनच मलाही तिनेच उत्पन्न केले आहे. म्हणून मी तिचाच आहे, माझे सर्वस्व तिच्याच मालकीचे आहे. 

ह्या तीन महावाक्यांचे स्मरण करुन आपण परमपूज्य नंदाईला प्रार्थना करुया की, हे नंदाई आम्ही श्रध्दावान जसे आदिमाता चण्डिकेचे अंबज्ञ आहोत, सद्‍गुरु श्री अनिरुध्दांचे अनिरुध्दज्ञ (कृतज्ञ) आहोत तसेच तुझेही कृतज्ञच आहोत.तुझ्याविषयी आम्हा श्रध्दावानांच्या मनात कधीही न ढळू शकणारी असिम कृतज्ञ्ता राहो हिच तुझ्या चरणी प्रार्थना. हे नंदाई, आदिमाता चण्डिका जशी श्रध्दावानांवर नित्यत्वाने प्रेम करीत असतात याची आम्हाला जाणीव आहे. म्हणून हे आई, तुझ्या चरणी आम्ही प्रार्थना करतो की, वात्सल्याचे मूर्त स्वरुप असलेल्या मातृवाक्याचे आम्हाला कधीही विस्मरण होऊ देऊ नको. हे मातृवाक्य म्हणजे "माझ्या बालका, मी तुझ्यावर निरंतर प्रेम करीत राहते."

आई, तुझ्या प्रेमामुळेच तू एकाकी व निराधार स्त्रियांना आधार देण्यासाठी तसेच स्त्रियांमध्ये आत्मविश्वास निर्माण करुन त्यांना आत्मनिर्भर करण्याच्या हेतूने अहिल्यासंघाची स्थापना केली आहे. तसेच स्त्रियांच्या विकासासाठी तू "आत्मबल विकास" ह्या स्त्रियांच्या शिबिराचेही आयोजन करीत असतेच. आई, गेली १५ वर्षे तू आपल्या बाळांसाठी नित्य व अविरत परिश्रम घेते आहेस म्हणून तुझी प्रत्येक कृती आम्हा सर्व श्रध्दावानांचा अनिरुद्ध विश्वास वाढविणारी आहे. अनिरुद्ध विश्वास वाढल्यानेच आत्मविश्वास वाढतो. ही तुझी कार्यपध्दती सर्व श्रध्दावानांना सुखावून जाते. 

आई, तुला प्रेमाने घातलेली साद आणि त्या सादेला तुझ्याकडून मिळत असलेला प्रतिसाद, हेच खरं माय-लेकराचं नातं.

आई, ते नातं तू नित्य निभावतेस.
आई, तुझं प्रेम शब्दात व्यक्त करताना शब्द गहिवरतात व ते निशब्द होतात.
आई, आम्ही अनिरुद्धांचे सर्व श्रध्दावान तुझे अंबज्ञ आहोत. तुझ्या वाढदिवसाला आम्हां सर्वांच्या अनिरुध्द शुभेच्छा. 

आई, तुझे स्मरण हेच आमचं उध्दरण.

कारण 

सासरी पाठविलेली मी गं तुझी लेक

आई मी गं तुझी लेक

आई तुझ्या भेटीसाठी मारली हाक

आई मारली हाक

धावत आली माय ऐकून साद हृदयाची ॥ 

आई, तुझ्या लेकरांच्या मनातील प्रकटलेला हा प्रेमभाव हीच खरी तुझी ओळख आहे.

श्रध्दावानांनो, आपल्या नंदाईच्या वाढदिवसाच्या दिवशी "नंदामाई-पाठ" व"चिदानंदा उपासना" ह्याचे पठण व श्रवण अत्यंत फ़लदायी आहे. 

आषाढ अमावास्या म्हणजे दीपपूजेचा दिवस. हा दिवस परमपूज्य नंदाईचा जन्मदिवस आहे. 

श्रध्दावान ह्या दिवशी आपल्या नंदाईचा वाढदिवस खालीलप्रमाणे साजरा करतात.

१) रात्रौ १०.०० नंतर एक दीप प्रज्वलीत करावा.

२) त्या दिव्याची प्रज्वलीत झालेली ज्योत म्हणजे "आपल्या नंदाईचं आपल्या घरात झालेलं आगमन" असे समजावे.

३) त्यानंतर त्या प्रज्वलीत झालेल्या ज्योतीकडे बघत राहावे व तीन वेळा"आई, आई, आई" असे म्हणावे.

४) आई, आई, आई असे तीन वेळा म्हटल्यानंतर "आई, हेप्पी बर्थ डे टु यू"असे प्रेमाने म्हणावे किंवा आपल्या मातृभाषेत आईला शुभेच्छा व्यक्त कराव्यात.

५) प्रज्वलीत केलेल्या दिव्याभोवती रांगोळी काढणे, फ़ुले वाहणे इत्यादी.आपल्या इच्छेप्रमाणे करावे. 

आपल्या नंदाईचा महिमा अनंत आहे. अगदी मोजक्या शब्दात सांगायचे झाले तर तो खालील शब्दातून व्यक्त करता येईल. 

अनिरुध्दांची शक्ती नंदा अवतरली जगती ।
मनबुध्दीचे दीप लावूनी ओवाळू आरती ॥

नंदा रमणा अनिरुध्दा - अनिरुध्दा - अनिरुध्दा.

नंदा रमणा अनिरुध्दा - अनिरुध्दा - अनिरुध्दा.

नंदा रमणा अनिरुध्दा - अनिरुध्दा - अनिरुध्दा. 

॥ हरि ॐ ॥

मी अंबज्ञ आहे.

आम्ही अंबज्ञ आहोत.